كتب الحقيقة في كريتر
بقلم/ Amr Khaina
منشور خاص لبعض المغتربين اصحاب العزب واللي عايش خارج مديرية كريتر ويطبل وهو مش عارف باللي حاصل لو قده اللي يدافع عن نفسه بلطجي واللي يتهجم على الناس للحوافي ويشتي يقبض على الشعب كامل بحجه انه جالس خارج بيته تسموا هدا دوله كيف اقتنع انك دوله وانت عملك كله عصابات عكس الدولة تماما .
تم إغتيال الاعلامي نبيل القعيطي رحمه الله عليه فالرد كان احراق السياكل امام اصحابه .
والان تفجير طقم عسكري من قبل مجهول والرد هو اقتحام كريتر بشكل همجي هدي اللي تسموها دوله تدخل للاحياء السكنيه تقبض على اي احد موجود بحارته ، وانا اتحدى اي احد يثبت بأنه اللي فجر الطقم من عيال كريتر اللي أشتبكوا معهم الامن فجر اليوم اما تدخلوا الحوافي وتهجموا على اي احد بالشارع وتطلبوا من كريتر تصمت لا والله كريتر ورجاله ادا صمتت من قبل تجنبا للفتنه اما ادا تخلقوا حجج عشان تهجموا على كريتر والله بتشوفوا نفس الرجال اللي خرجت على الحوتي تدافع على كريتر واللي يقول انهم معززين من جهات اخرى اقول له انزل وشوف ومابتلاقي الا عيال كريتر فقط خرج كل واحد من بيته بالالي والجعبه حقه لما سمع انهم اقتحموا الحوافي وقبضوا على اي واحد كان متواجد خارج البيت وبكل ابتزاز يبتزوا العيال وهم جالسين في الاركان مخزنين .
لهدا نتمنى من رجال عدن في جميع المديريات الالتفاف والوقوف مع اخوانهم في كريتر ضد هذه الهمجية واسلوب العصابات .
واخر رساله اوصله لكل بيت في عدن ولكل اب وام واخ واخت من عدن
يا اهل عدن لاتخلوهم يوصلوا لكم صورة خاطئة بأن اولادكم بلاطجة
عيال عدن انتم تعرفوهم وتعرفوا المعانات اللتي يعانوا منها على مر العصور لهدا لاتخلوا اعلامهم ومنشوراتهم العنصرية تزيف لكم الحقيقه وتشوه صوره عيال عدن امامكم .
واعلمو وكونوا على يقين بأن كريتر محمية بحفظ الله وبرجاله الاوفياء 💙 🧡
وبفضل الله وبرجال كريتر لن تركع وتنذل بمثل هده الاساليب الهمجية وبتوقف ضد اي قوه مهما كانت عدته والامن المركزي يشهد لها على ذلك 💙🧡
كتب أبن كريتر / Amr Khaina
5يونيو 2020